挑戰勁多對白 Kellyjackie舞台劇演足30分鐘

20170802
東網電視
更多新聞短片
Kellyjackie話排練舞台劇時用賞罰機制,大家都好積極。
歌手Kellyjackie(KJ)到電台宣傳8月9至11日在香港大會堂演出的舞台劇,其中一場戲她要在台上近30分鐘:「要記熟好多對白,係個大挑戰。」她很開心能夠與米雪、林韋辰及吳浣儀等前輩合作:「同埋我哋有個賞罰機制等大家好專業咁排劇,唔記得對白或者唔熟台位就罰5蚊(港元),遲到就每分鐘5蚊。」她笑言大家腎上腺飆升,每天都充滿愉快氣氛。
提到劇中有班小演員,KJ指他們通常因不專心和打機而被罰:「呢個係佢哋死穴!未到佢哋嘅場口,我哋想佢哋觀察其他演員,而且打機好易唔記得下一場做乜。」她表示罰款將用作慶功或慈善,不過自己很乖,沒份「捐款」:「有時我哋慢咗少少,有個小朋友就會話『5蚊』!」KJ又讚大會每天安排三餸一湯,演員們不用捱飯盒。
飾演社工的她形容這劇寫實而笑中有淚,最難是捕捉正確時間講對白:「通常做舞台劇要Keep Fit,但個個前輩都買好多零食,又下午茶『萬歲』,大家肥住咁排劇,但啲嘢食都好健康。」KJ認為小演員的情緒變化較大,自己要執生亦是挑戰之一。至於可有信心日後做媽媽?她直言:「我Ready咗廿幾年!因為細個開始睇住表弟佢哋長大,都有照顧小朋友,我應該係好高EQ嘅媽媽,控制佢哋情緒同陪佢哋玩應該冇乜問題,而換片嗰啲就學到嘅。」