久未在港出席活動的吳千語，於柴灣出席老闆黃百鳴公司旗下電影院線Cinema City開幕活動。她透露早前到法國旅行，問到男友林峯有否同行，她說：「我同一班朋友去，佢之後都有嚟。（有冇畀驚喜？）冇，都唔係乜嘢特別事。」她又謂有到天體沙灘見識，但未敢裸曬。

唔係置業好時機

她透露有超過半年時間未有與男友旅行，對於二人早前再傳「分」訊，她指已不是第一次：「唔想回應，總之唔係。」有指她為林峯戒夜蒲，她說：「大家有大家嘅朋友、圈子好正常，係出街畀人影到啫。」另有指二人築愛巢，但千語未有正面回應，只謂：「未有結婚計劃。（間屋寫埋你個名？）梗係唔係啦！」她透露今年有意置業，但認為不是入市好時機：「今年貴，（樓價）又創新高。（有冇睇啱邊區？）冇話特別邊區，但想揀舊樓多啲。」

各有各忙唔諗結婚

千話又稱與男友各有各忙，強調未有結婚的想法：「結婚都需要時間，我想結完婚即刻生BB。（可以先生後結婚。）事業先啦！依家好多都遲婚，30歲唔算遲。都係講緣分，但唔係依家。」她又指林峯一年只有三份一時間留在香港，一年只去一次旅行。雖然二人常於內地拍劇，但由於身處於不同城市，故仍然很少機會見面。