東網電視
更多新聞短片

王浩信對於劇集因為在大陸率先播而令收視受挫感到無奈。
1/12
王浩信、李佳芯、張振朗及蔡思貝主演的劇集《踩過界》與內地媒體合作,並安排於星期六、日時段播放,有別於以往無綫逢星期一至五的劇集,而內地網站可一連追看多集,比香港觀眾搶先多步,亦因為劇中緊張、重要劇情都陸續被爆,就連朱千雪於第廿四集中槍死的一幕及飾演盲俠律師的王浩信會開番眼睇到嘢都爆埋出嚟!或多或少,劇集爆出都會影響觀眾追看欲望及香港播出時的收視。
多咗內地fans
主角王浩信剛剛接受東網獨家訪問時亦不禁無奈表示:「其實不論乜嘢劇都好,都係希望觀眾一直追看,追到我哋嘅大結局,不過依家個結局穿咗,對成個劇嘅追看性一定有影響,作為劇入面一份子,難免有啲失落。但呢樣嘢唔可以歸咎於任何媒體,今次係同大陸網站合作形式,呢樣係會令更多唔同地方睇到我哋嘅劇集,我哋呢套劇嘅內地點擊到依家為止成績都好好。」
問到內地網站播放,有否令他增添內地接job機會時,他坦言:「嚟緊八月十九號,我同張振朗會去北京演唱,呢啲都係之前其他劇集未必有嘅反應。」浩信又指,盲俠律師這個角色,是他拍劇以來最辛苦、最難處理的一個,他謂:「呢套劇係我拍劇集咁多年,最難處理同花工夫嘅,當然希望可以感動觀眾嘅心,希望佢哋可以追到大結局。劇入面好多場戲,我自己睇劇本時都喊咗好多次,係一個好悲嘅角色,亦係我同朱千雪喺《EU超時任務》嘅一個延續。依家香港星期六、日播,收視難免偏低,對於呢個收視,我只可以話感到無奈。一路以嚟拍劇都會以收視作為成績指標,難免會對呢樣嘢有少少失望,但講到最尾,都有得有失啦!起碼多咗好多唔同觀眾睇到我哋演出。呢個劇劇本好好,亦係劇中所有演員好努力心血嘅作品。希望觀眾唔好放棄我哋。」問到劇中還有甚麼精彩推介時,浩信謂:「我同羅樂林《刑警》合作過,累積咗父子情,而我同佢喺呢套劇入面嘅父子情都好「攞命」,好催淚!仲有我同一隻狗劇中的感情戲,同動物做戲係最難嘅,呢個劇本對我嚟講真係考牌,又盲、又要做律師,要同狗做戲,仲要用睇唔到嘅處境拍攝同朱千雪嘅感情戲。」
其實,劇集開拍不久,浩信這個角色已被不少人認為是今年「視帝」之作,播出後口碑亦相當不俗,浩信向來演戲備受肯定,很多人也看好他,對於現時收視不及口碑,問到會否怕少了奪獎機會?浩信坦言:「對我嚟講觀眾嘅肯定同聲音係最重要,但依家情況係一個咁出色嘅劇本,一個咁難處理嘅角色但少咗機會畀觀眾睇到,呢個係無奈。」

但亦都增加佢內地接job機會,佢話係有得有失。

王浩信喺劇中唔單止盲咗,仲要同狗狗做戲。

王浩信希望觀眾唔好放棄佢哋。

王浩信與朱千雪的一段情是《EU超時任務》嘅一個延續。

王浩信《踩》劇角色是很大的挑戰。

王浩信坦言同狗狗做戲係非常困難。

大陸率先播亦令觀眾減少追看的欲望。

王浩信與朱千雪為套劇都博到盡!

蔡思貝為劇集也犧牲靚樣,羅樂林也是好戲之人。

毛孩都好有戲呀!

仲要拍落水戲。