首開作品音樂會　馮穎琪嗌有壓力

音樂人馮穎琪到電台宣傳9月初於演藝學院舉行的音樂會，她透露音樂會可形容為作品展，曾寫過歌曲給容祖兒及陳慧琳等人的馮穎琪說：「今次唔會邀請原唱者表演，因為今次係有故事性，好似舞台劇形式，所以搵咗林二汶、鄧少巧等人獻唱，自己亦會唱番自己作品。」她透露場地檔期問題只能舉行一場，問到會否擔心蝕錢？身為投資者之一的馮穎琪說：「唔會咁諗，加上有贊助商，同埋呢場只係開始，之後可能會巡迴。」由於門票已公開發售，馮穎琪直認有一定銷情壓力。