「鷹眼」謝洛美維拿想生8個細路

於漫威超級英雄電影《復仇者聯盟》（The Avengers）飾演「鷹眼」的46歲美國男星謝洛美維拿（Jeremy Renner），登上《Men's Journal》雜誌9月號封面，受訪時表示自己想生夠8個細路！

謝洛美於2014年與加拿大模特兒Sonni Pacheco離婚，共同撫養今年4歲的女兒Ava，不過他仍然對未來家庭生活有憧憬，表示：「我想有八個細路喺屋企走嚟走去。一班人嘈嘈閉，一個細部落咁。」他又指想生第二個女兒，取名Hannah，但目前無法成事：「依家呢一刻，我見唔到咁嘅將來。因為需要兩個人，一個人唔會好玩。你會想分享呢個經驗。你會想要個伴侶。我呢世人做過好多好正好型嘅事，但我諗當我哋逐漸變老，同另一個人一齊做一啲嘢更加有價值。」

另外，謝洛美現身名嘴Jimmy Fallon節目，兩人戴上假髮與眼罩玩空氣炮問答比賽，如果答錯問題就要被空氣炮以不同東西射顏！