陳寶珠梅雪詩紀念林家聲:心中尊重的前輩
粵劇名伶梅雪詩(阿嗲)、陳寶珠、楊天經等出席已故名伶林家聲紀念會,同聲表示想靜心於台下觀賞,故無意上台演說。

對於前輩林家聲的印象,寶珠坦言心裏一直尊重對方,更謂:「佢係好好嘅前輩,呢份心意會喺心入面,記得有一年同天經佢哋去林家聲屋企,之後仲帶佢出去食飯,印象好深刻。(之後會唔會再有其他紀念活動?)咁就唔知。」

天經則透露從小喜歡林家聲,更謂:「記得跟媽咪去睇林家聲做大戲,我成日入後台搵Uncle,嗰時有張後台證好矜貴,咁我嘅工作就係拖住林家聲出入後台,好似我依家拖媽咪咁,真係好榮幸。」

至於阿嗲就表示林家聲乃她心中非常尊重的前輩,更指當時不時獲對方指導:「好記得當年演《紅樓夢》時,上去喺林家聲屋企,佢對我好好,有指點我,所以好鍾意佢,佢會不厭其煩教導後輩,我好尊亦好難忘記佢,時間真係過得太快,但我仍然會懷念佢。」