鄧萃雯笑黎耀祥顏值低　再合作要演父女

鄧萃雯與黎耀祥接受由黎芷珊主持的無綫新節目《最佳拍檔》訪問，更透過「BIG BIG CHANNEL」與網民大玩「答問大會」。對於「經典組合」再合體，網民大表興奮，有人表示為此失眠兩日，不少網民留言表示期待二人再合作，並搞笑問若再合作，二人想飾演夫妻、兄妹、父女還是仇人。雯女聽到「父女」二字時忍不住大笑，並向皺晒眉頭的祥仔謂：「睇佢囉，如果佢都係咁殘，就要做父女喇，冇辦法，因為依家要講顏值。」不過雯女之後即「補飛」指祥仔有時候顏值頗高，祥仔即解釋自己是看場合的人。

直播期間，有網民問穿長裙的祥仔熱不熱，雯女即開心代答謂：「佢咁着完全因為我，因為我哋今日原本唔係咁襯，祥仔見係咁就即刻話：『等我捱熱，我換咗佢，一定要襯，咁嘅對手邊度搵呀？」凡事愛求真的雯女，更乘勢問網民為何這麼喜歡她與祥仔這對組合，網民亦「醒目」表示希望二人開演唱會，雯女即調皮拉祥仔落水謂：「你跳舞，我唱歌。」祥仔亦不甘示弱反擊：「你夠膽唱，我夠膽跳。」場面搞笑。