田蕊妮設局　王君馨終於認係明朝太子妃

熱播劇集《超時空男臣》講到田蕊妮飾演的「大小姐」方惠芝上咗汪以珊（王君馨飾）屋企，佢哋把酒言歡，但一直唔認自己係明朝太子妃嘅王君馨，最終畀田蕊妮設局，套出佢就係真正嘅太子妃。王君馨要求田蕊妮唔好將真相話畀「三傻」知，田蕊妮亦都答應，佢仲同「三傻」講，汪以珊並唔係太子妃。

而有望返回明朝嘅蕭正楠同何廣沛，分別同田蕊妮以及朱晨麗講將要離開，蕭正楠向田蕊妮「壁咚」，樹上的花隨即飄落，田蕊妮冧到爆！而何廣沛就搞到朱晨麗喊晒口。