女星陳法拉出席GIVENCHY Beauty唇膏活動，她透露剛從法國拍攝微電影返港，今晚又要飛往紐約繼續讀書，她說：「今年係最後一個學期，出年五月就畢業，依家以排戲演出為主，喺畢業嗰陣演出。」

談到其前度薛世恒入娛樂圈，陳法拉稱有留意報道，問到是否支持對方入行？她笑言：「支持佢。（會唔會年紀太大先入行？）男藝人壽命好長，有排做。（有冇畀意見佢？）冇，佢咁大個仔識㗎啦。（你哋仲有冇聯絡？）間中都有聯絡，佢都有同我講。（介唔介意合作拍戲？）將來要睇劇本，有啱將來先算。（如果劇本啱？）如果有啱都唔會介意。將來嘅事將來先知。（喺戲中做情侶呢？）邊個寫劇本寫到咁啱。（為你度身訂造？）咁酬勞要高啲。（酬勞高就得？）到時先算。（男友會唔會呷醋？）唔會，做嘢還做嘢。」法拉表示從來未有在公開場合跟前度見面，就算見到也不會尷尬，而且兩人也有聯絡：「我哋對上一次見面，係佢去美國參加王君馨婚禮，我哋一齊食咗餐飯，大家關係都OK。」