家姐抱阿妹！索媽胡中慧有女萬事足

「神獸天使」胡中慧（Sandy）於2015年與圈外男友拉埋天窗後，不久就誕下囡囡Chloe，而她上月再度做媽咪，誕下細女Sophie，認真幸福滿瀉。有女萬事足嘅佢，呢日就喺社交網上載咗大女Chloe抱住妹妹Sophie嘅片，仲話：「First time holding Sophie #bigbaby VS. #smallbaby #sisterlylove（第一次抱Sophie，姊妹嘅愛）」片中抱住細妹嘅Chloe，不停撫摸妹妹個頭，又握住佢手仔，畫面充滿愛。而Sandy隨後再上載細女嘅相，亦留言表示：「One week old, Sophie was still in the hospital. Two weeks old, Sophie is home with us （1個星期前Sophie仲喺醫院，2個星期後，Sophie已經同我哋一齊住喇！）」網友都話隔住Mon都感受到其幸福之情呀!