仲係冇進展　發福王菀之自爆被誤會有餡

歌手王菀之（Ivana）趁有三日假期租借化妝師店舖售賣自己二手衫及飾物，獲「Figure王」老公Eric So（蘇卓航）送上兩隻Bling Bling人型公仔作鎮店之寶，Ivana表示第8次開設短期二手衫店，她說：「我唔係為賺錢，全部物品我冇標價，有啲衫已經唔啱着，想畀鍾意件衫嘅人。」公認「大食」的Ivana笑言只要請她食午餐及下午茶就可以攞走物品。

身形圓潤的她承認發了福，問到是否「有餡」？Ivana說：「知未有。」隨即自爆遭人誤會她是孕婦，Ivana說：「頭先唔記得縮肚畀人誤會。（依家努力造人？）一時時，好浮動。」Ivana透露一直獲老公支持開二手店，她說：「呢個係小時候夢想，第一次開佢畀好多佢收藏嘅玩具我賣，點知我用開心價一百蚊賣出佢啲限量玩具，從此佢冇再畀玩具我賣。」