顏值高到爆！關禮傑一家四口遊日晒溫馨

講起藝人關禮傑，除咗《叛逃》入面佢喺天台跳咗去對面樓嘅呢一幕之外，相信都會記得佢係一個好爸爸同好老公！佢同老婆梁安娜、大女關楓馨仲有細女關楓盈一家四口生活得勁幸福，好似上年關楓馨大學畢業嘅時候，關禮傑就全家總動員飛去英國影畢業相，相信佢哋感情一定好好！不得不提關禮傑嘅兩位千金顏值高到不得了，可以話成家都係型男索女！而最近佢哋就一家四口飛咗去日本玩，仲甫相上Instagram同大家分享，相入面見到佢哋喺日本嘅大街同餐廳影相，關禮傑就一身休閒Look都已經好有型，一家四口有個共通點就係齊齊短打上陣晒「美腿」。