自認HeHe!森美孖陳豪晒巨胸「肌」味濃

20170812
東網電視
更多新聞短片
WOW!
近年有唔少男藝人都密密操肌,加入爆肌行列,連平時靠把口搵食嘅森美亦加入呢個「戰團」。呢日佢喺IG上載一張打拳相,見佢操到勁Fit,成個Body勁有立體感,真係令唔少網友睇到嘩嘩聲!原來佢操到咁勁,係為咗拍攝無綫劇集《誇世代》。
講起《誇》又點可以唔提擁有超粗麒麟臂加43吋巨胸嘅陳豪呢?今次森美趁住拍完《誇》,即搵陳豪影番張相嚟個「對決」,兩個巨胸「對決」真係鬥到難分難解,好多網友都話唔知點解揀好,森美留言:「呢張送嘅,我的HeHe情人!!!哈哈哈!」眼利嘅網友見到「HeHe情人」呢幾個字,竟然聯想到話:「佢係你嘅阿希!」