當年同盧惠光結婚　黎淑賢：我唔夠成熟

藝人黎淑賢（Bonnie）曾被質疑整容，她接受有線奇妙電視訪問時，誓神劈願否認整容：「對我嚟講，要開刀嘅先係整容，我冇開過刀，我只係打咗針！」其老公許智政是美容醫生，所謂近水樓台，Bonnie打美容針當然由老公負責。所謂「女為悅己者容」，但她一口否認是取悅老公：「點解我要取悅別人？至緊要係自己覺得好睇，唔需要為別人而生活。」

提到上一段與盧惠光的婚姻對現在有沒有影響，Bonnie坦言每一段婚姻都是不同對象：「不過人係會長大嘅，以前我10幾歲就結婚，當然唔夠成熟，依家我有4個仔，從佢哋身上，我都可以學到好多嘢。應該係五個仔先啱（包括老公）。」她續笑指對住老公要講大人嘢，對住仔仔又要扮Cute，更會叫錯他們的名字，有時要叫四次先叫得啱，連傭人姐姐都笑埋一份。

Bonnie最喜歡的是畫畫，不經不覺已學習畫畫近10年，最近還跟兒子在同一間畫室學畫。她不諱言畫畫確實有修心養性作用，她說：「以前我好火爆，一句唔啱就黑面、發脾氣，依家我學會放慢，學會修養。」