陳婉衡晒事業線　差啲畀許雅婷辣着

藝人楊思琦、麥長青、陳宇琛、陳婉衡（Alycia）、許雅婷、王寶葆（前名：王宝宝）、何佩珉及陳志健等，到大埔康樂園出席由錢國偉擔任總監的網絡電影開鏡拜神儀式。陳婉衡以吊帶tube top，配上黑色短褲Look示人，勁晒3吋事業線，堪稱全場最性感，她上完香正準備轉身之際，差點被許雅婷及何佩珉手持的香辣到，幸好及時避開！

受訪時，Alycia指戲中演霸王花：「會有動作戲同性感嘅服裝。（有幾性感？）好似依家咁囉，咁都仲唔算性感呀？（又要性感又要打，驚走光？）Fitting試過啲衫，都冇咩問題。」

講到差點用香辣到Alycia，許雅婷則說：「我哋點會想用香辣Alycia？係都辣王寶葆啦，佢係戲裏面嘅反派！」以黑色魚網絲襪配黑色皮衫皮褲Look示人的王寶葆說：「今次我演個反派人物，同霸王花係敵對，有唔少嘅打戲！」前名王宝宝的她，表示大約一個月前改名王寶葆。

----------------------------------------------

東網已全面支援360影片及相片，讓你全方位睇盡新聞大事，恍如置身現場，立即登入東網360網頁： http://on.cc/360/

如仍未更新東網App，請按此連結收睇360影片： https://goo.gl/Kdk4GJ