激減10磅！黎明詩冧唱《敢恨敢愛》

90年代玉女歌手黎明詩最近減十磅復出幕前唱歌，她晚上在將軍澳電視城為節目《流行經典50年》錄影。黎明詩表示二十年後再為無綫節目唱歌，問到可會為無綫拍攝節目？她說：「未，自己都係啱啱開始，唱吓歌先，稍後會出慈善唱片。」

現時經營健康食品生意的黎明詩早前宣布「出櫃」肯定另一半Kelly的地位，問到可有邀請Kelly來欣賞她演出？她說：「請咗好多朋友，同埋二十幾年嘅fans嚟睇。（Kelly支唔支持你復出？）支持。（復出有冇令Kelly構成壓力？）順其自然啦，我又冇話要避開，我都係做番自己嘅嘢，順其自然啦。（Kelly點支持你？）叫我努力，唔使咁緊張，不過我自己都唔驚。（唱《敢恨敢愛》有冇特別意思？）你哋留意吓歌詞啦，哈哈。」