嘴擘擘好精靈！孫慧雪囝囝飲奶量驚人

「宅男女神」孫慧雪（雪雪）於2016年12月下嫁圈外男友羅天彥，上月底仲生埋囝囝Riley，火速成為人母，認真可喜可賀！榮升為新手媽媽嘅雪雪今日就喺社交網站上載咗一張Riley嘅大頭相，未滿月嘅Riley眼仔睩睩，表情十分趣怪。雪雪喺相入面加咗幾個閃電效果之餘，仲寫住：「Rah！！！！！！！！！！！！！！」搞到Riley十足一個小魔怪！

雪雪除咗同網友分享囝囝嘅搞怪表情之外，仲向一班網民透露依家主要係餵人奶，每隔2、3個鐘就要餵囝囝一次，而且一餐要餵150-170ml，雪雪仲話囝囝飲奶量驚人，而且飲得好快，10分鐘就可以飲晒成樽奶。唔怪之得雪雪喺囝囝嗰張相留言話：「無人可以阻止我開餐！呢隻魔怪‍♀」