唔係榮休 田蕊妮放假半年去旅行陪家人

20170815
東網電視
更多新聞短片
田蕊妮被誤會將退出幕前。
藝人田蕊妮(阿田)、歐陽震華、陳豪、龔嘉欣、李佳芯、森美、張繼聰等到尖沙咀出席新劇《誇世代》煞科晚宴。講到阿田早前在社交網站寫下感言,被誤會她將退出幕前,問到這次是否「榮休晚宴」?阿田即笑說:「要講聲唔好意思,估唔到有呢個誤會,其實係之前《誇世代》煞科之後,突然好感性,諗起劇集終於拍完,之前拍完《迷》又收到《超時空男臣》,到依家拍完《誇世代》終於唔使再睇劇本投入角色,可以做自己想做嘅嘢。(打算休息幾耐?)直至收到下個劇本先開工,可能半年啦,呢個假期會做冇目的同冇目標嘅嘢,之前都放咗啲書喺度冇睇,都會宣傳劇集,就係唔使進入角色,可以好Free。」
問到老公杜汶澤有否誤會?阿田笑言:「唔會,只係出咗段文之後有人打畀佢,以為我真係退休。」阿田表示會趁這段時間去旅行,還想抽多點時間陪家人,而老公因為有工作在身,未必可以同行。問老公可有勸她不要工作?阿田說:「呢幾年工作的確一個接一個,老公都鼓勵我遇到好角色不妨去做,而工作對我而言的確係調劑,不過拍完《超時空男臣》,緊接拍完50集劇,杜生都有問我會唔會太辛苦。」
---------------------
東網已全面支援360影片及相片,讓你全方位睇盡新聞大事,恍如置身現場,立即登入東網360網頁: http://on.cc/360/
如仍未更新東網App,請按此連結收睇360影片: https://goo.gl/MsnVqk