去街市畀人撩　張秀文欲拒還迎

藝人張秀文於美食博覽為無綫節目《韓味道》，身穿連身裙的她小露纖腰，若隱若現，她笑指是性感的最高境界：「唔同嘅性感嘛，唔好咩都拎出嚟，嚇親人呀！」至於在家中下廚可會性感？她謂睡衣不多布，下廚亦不會特別穿上長袖衫，至於可會只穿圍裙？她謂：「男士都唔鍾意啦，煮嘢食面前個爐，就算係都淨係睇背面，着背心短褲都OK啦！」張秀文透露小時候是小廚神，11，12歲時就要負責家人的晚餐，最拿手是煮中菜、煲湯，她謂：「嗰陣去街市會畀人撩，叫你做佢新抱仔，要欲拒還迎咁，因為你直接拒絕佢就唔會有靚豬肉啦！」

問到工作，張秀文表示將到台灣主持一個運動會，將會泳衣上陣：「同陸浩明去，會有啲水上競技，我都好耐冇着泳衣上節目啦！（鬥波？）佢哋話我控球技巧最好喎！不過未知玩咩，買咗幾套泳衣，未揀定着邊套，又想影吓靚相！」至於是否由緋聞男友Victor操刀，她謂：「叫陸浩明囉，如果佢女友唔介意。（佢女友可能會介意喎！）咁有其他幕後工作人員。（緋聞男友都係幕後）我跟公司去㗎，今次同體育組，都唔係同一組嘅！」