港姐：畀森美玩！黃瑋琦講「我好鹹濕」

無綫《2017香港小姐競選》十位候選佳麗在馬鞍山出席「決鬥一分鐘」活動。其中1號何依婷（Regina）和2號李清心（Katarina）鬥玩呼拉圈，而3號梁雯蔚（Sandy）則與4號黃瑋琦（Emily）鬥拍波。期間司儀森美就明耍不諳廣東話的Emily，指今日天氣熱可以講成天氣「鹹濕」，搞到Emily傻更更照讀：「我今日好鹹濕！」非常搞笑。

Emily訪問時就指落到台下才知道「鹹濕」的意思，問會否覺得森美好衰，她反而請大家包涵她廣東話麻麻哋：「當係學嘢！」而Regina就指對上一次玩呼拉圈在十年前，所以表現不算特別好，又謂自己跳舞較叻，問練舞時是否得心應手，她即謂：「上堂都好快Pick Up到老師教嘅嘢。」亦對自己之後的表現有信心。