藝人石修與陳國邦（阿邦）等於上環為舞台劇綵排，二人透露是首次合作，故事則是改編自粵劇《再世紅梅記》，但所有角色都是一樣。石修更笑指阿邦是小鮮肉：「有句對白叫佢做美哉少年，美哉少年係小鮮肉。」而阿邦指今次有歌有舞：「同戲曲唱腔唔同，今次我哋會以說話同歌詞為主。」

提到石修的兒子陳宇琛（Sam）日前於英國舉行婚禮，石修坦言因為要排練舞台劇而未有到當地出席兒子的婚禮：「原本有計劃同佢一齊去，但要排呢個劇，我又有其他工作在身，以工作行先。同阿邦可以相遇到，合作有火花，所以取消咗行程。」問到仔仔有否失望，他說：「冇，做我哋呢行啲時間唔穩定。但我都有睇相，知佢喺嗰邊都好開心。」至於會否在香港補擺婚宴，他謂要問阿Sam，因為他有很多工作，亦會有很多安排。

此外，二人首次合作舞台劇，石修表示與陳國邦會交流「兒女經」，石修說：「小朋友嘅童年童真好緊要，因為佢哋長大咗就會變成另一個人。」他又大讚阿邦的女兒陳禛十分精靈和可愛。阿邦笑言經常會幻想遲些會打不到電話給女兒，自己在家中垂淚。