唔怕失去地位　吳若希當菊梓喬係阿妹

歌手吳若希（Jinny）、李蕙敏、吳浩康等，到將軍澳電視城為薛家燕、黎小田主持的節目《流行經典50年》錄影，家燕姐一身華麗晚裝亮相，獲同場兩位男士拎起裙襬化身「蝴蝶」影合照。

想畀人照顧

而同場的Jinny接受訪問，表示將在節目獻唱其作品《越難越愛》以及《眼淚的秘密》，有指她被師妹菊梓喬搶去星夢一姐地位，問到是否藉機會收復失地？她笑說：「公司簽佢之前我都讚佢把聲好聽架！（擔心失去地位？）唔會，我成日都話我係阿妹嚟，我都成日叫老闆（何哲圖）幫我講清楚呀。」講到曾是同門的許廷鏗亦已離巢，會否覺得公司人事全非？Jinny表示：「都有少少唔慣，好多都係我新人時陪住我嘅人，佢同胡鴻鈞都成日窒我，加上我身份唔同咗，有時同事會向我請教有關媽咪嘅嘢。啲同事笑我一返嚟放低個袋就咩都唔理，係屋企照顧人多，依家重拾工作，我都想畀人照顧番呀！」

開始停奶

講到Jinny已成功收身，她笑說：「我都覺幾快喎！頭兩個月都有做運動，依家囡囡都四個月，可能係自然瘦。（因為餵母乳？）都有，但都開始停奶，可能自己都出返嚟做嘢啦！」Jinny表示剛收到兩首新歌Demo：「之前我都公開搵過Wyman（黃偉文），今次係老闆幫手搵，佢會幫其中一首填詞，大概要再個半月先收到歌詞。（心急？）冇壓力架！唔使急，我可以等架！」