名人：無暇拍拖！翁嘉穗仔仔望赴美舉重

前港姐冠軍翁嘉穗陪同現年16歲的長子鄔謨雲（Jason）出席舉重慶功聚餐，Jason昨日以港隊身份在香港舉重健力總會舉辦亞洲國際健力及臥舉博覽錦標賽中，半年前才接觸舉重就經已打破男子14至18歲93公斤級的蹲舉、硬舉及總成績三項紀錄。運動天分高的Jason還有打排球及網球兩項運動，但他坦言想主力向舉重方面發展。身旁的翁嘉穗表示學業都同樣重要，又為仔仔的驕人成績感到開心，她說：「見到佢都好努力同畀心機，見佢拎獎覺得好Amazing。生活上好有規律，食嘢好小心。」

望青年組比賽破世界紀錄

Jason透露當初接觸舉重是因為朋友邀請到健身房舉重，怎料愈玩愈喜歡，他說：「健身上年已經開始咗，之後有個大我一年嘅朋友叫我一齊參加比賽。（開頭係陪朋友玩？）都唔係，見到幾好玩咁咪一齊玩。」此外，他為自己定下目標，希望在青年組比賽上破下世界紀錄，同時不認為增加更大壓力，他說：「我覺得今次壓力反而會大過下次，因為我本來咩紀錄都冇，就算下次失敗我都仲有個亞洲紀錄。」

冇特別擇偶條件

而Jason現時未有拍拖，問到舉動成績卓越會否讓他得到女仔垂青，他說：「都唔係嘅。（有冇話鍾意邊類型女仔？）都冇咩特別。」Jason認為他的選修科目比較難，而且大部分時間都投放在運動及學業上，因此沒有時間處理感情事。

翁嘉穗想跟仔仔去美國

下年將升讀大學的Jason坦言希望到美國讀書，打算去美國繼續玩舉重。他認為當地的舉重比賽會比香港認真及高水平：「美國個會係大好多，人哋要好多級數先達到國際級。」問到媽媽翁嘉穗會否為兒子出國讀書感到不捨，她說：「OK嘅，自己都喺加拿大讀書，等佢放眼世界同獨立啲我覺得幾好。（會唔會開頭去嗰邊陪佢？）我梗係想啦！但佢話『你點解要…』（反而佢唔想？）睇到時安排啦。」