玩埋綑綁！姚子羚陰啲陰啲晒Body

藝人陳山聰、姚子羚等於黃竹坑一間酒店為劇集《同盟》舉行宣傳活動，大玩水上活動！姚子羚三點式上陣，但外面加件衫遮住，但她玩遊戲時仍相當落力，一個烏身晒盡好body，可算是陰啲陰啲晒Body！玩扯大纜時，子羚更被繩纏住，甚是誘惑！

受訪時，講到好友胡定欣事前揚言要扯甩他的泳褲，山聰被問可有打底？他笑謂：「冇呀，都唔知玩咩遊戲，綁緊啲個褲頭啦！（定欣同子羚夾攻會唔夠打？）平時都唔夠啦！（怕剪錯？）剪錯Apple（山聰女友）唔放過佢吖！」

劇中他與姚子羚有不少親熱戲，他表示已播得七七八八，接下來的劇情是與陳展鵬的關係起變化。親熱戲播完，女友是否可開番電視睇？他謂：「佢一路有睇嘅。（睇到同子羚錫咩反應？）冇反應，佢知我哋好熟，平時佢睇完會問，今次佢話錫得幾自然！」又笑指與子羚的親熱戲不及李壁琦及敖嘉年。