惡搞龍哥！黃建東荒山野嶺着羽絨打邊爐

藝人黃建東近年進身網紅行列，專搞二次創作的他惡搞因為無綫探險節目《Big Boys歷險記》而熱爆的「龍哥」，他半夜三更着住羽絨去荒山野嶺度打邊爐：「我已經有幾個月冇出新片，因為唔想求其拍，直到最近發現龍哥嘅作法rap真係好hit，一直喺度構思點樣可以二次創作。後來發現用喺打邊爐上應該幾搞笑，但如果只係喺火鍋店內拍又覺得好普通，適逢係農曆七月，所以決定半夜三更走到飛鵝山嚟個戶外打邊爐。」<br/><br/>由於每一條惡搞片 Derek都很重視造型設計，所以想了很久今次要穿甚麼：「今次要大熱天時喺戶外打邊爐，所以決定要折磨自己，戴上冷帽着上羽絨外套同頸巾嚟個大反差，因為片尾想嚟個自嘲話自己夏天戶外打邊爐好傻，所以全程都係密實冬裝上陣。」Derek話拍完返屋企由外面件羽絨褸到裏面條底褲都濕透，還笑言差點夜晚中暑。