梁麗翹搭?被摸臀部　網民：又冇少忽肉

32歲無綫《東張西望》主持梁麗翹於社交網指自己排隊搭?時遭一名阿伯摸臀部，更用身體把她「推進」升降機裏，直至她大叫才停止。有網民留言指梁麗翹畀人摸沒令她「少忽肉」，為何要介懷；更有人指她反正已結婚，暗指她不需要小題大作。

對於被人摸臀部一事，梁麗翹接受東網訪問時謂：「我排緊隊搭?，之後啲人出?時，有個人就喺後面撞我咁推我入去，正常幾逼都唔會咁，我當時睇吓係咪手袋，但原來係個阿伯，之後我就即刻大嗌，當時全架?冇人幫我，個阿伯仲話唔緊要，我即刻話『依家係你搏緊我懵呀！』佢即刻唔出聲！」梁麗翹又表示說出來是希望女性遇到這些事時都要出聲，對方認不認都好，都要保護自己先。她又謂：「令我覺得唔開心嘅係啲網民講啲咁嘅嘢，你又冇少忽肉？結咗婚就可以任人亂嚟㗎咩？」問到有否報警時，她謂：「都係嬲自己冇報警，因為嗰陣時間太趕，我鬧完佢之後，放咗佢一條生路。」