同一屋簷！李礎業見過松岡李那齋着內衣褲

「巨聲幫」出身的李礎業（Keni）出席新城訪問，講到他與師姐松岡李那去年一齊拍攝台劇《櫻桃小丸子》真人版，Keni演班長丸尾同學，松岡則演野口同學，他謂因大家同公司在台灣拍攝的兩個月都安排住同一宿舍。住在同一屋簷下，Keni笑言：「所以佢都見過我着孖煙囪周屋行。（咁松岡係都係內衣褲？）咁又真係見過。」Keni大讚松岡身材好，經常大吃大喝都不胖好厲害。（松岡咁索有冇諗住追佢？）冇喎，我真係當佢家姐咁。（對於松岡戀上有夫之婦緋聞，有冇問過佢？）自己冇問過佢，但應該唔會，因我知道佢鍾意有才華鍾意音樂嘅男仔。」

另外Keni稱唱歌和拍戲都喜歡，在台灣他有隊二人男子組合Rice，但香港則以獨立歌手發展。