《韓薦》：糅合古今！金南佶孖金亞中做醫生

大家好！又嚟到新一集嘅《韓薦》，最近韓劇又再興起穿越題材，除咗上一集同大家介紹過金在中嘅《人孔》之外，最近金亞中同金南佶主演嘅新劇《名不虛傳》亦都係穿越劇，講述嚟自古代朝鮮、針灸醫術超高嘅金南佶穿越咗去2017年，遇上現代女醫生金亞中，展開佢哋嘅奇幻故事。

而最近好多產嘅金南佶嚟緊9月仲有新片《殺人者的記憶法》喺韓國上映，今次片中佢仲同女神雪炫演情侶。至於講到最近至Hit嘅組合，就一定係Wanna One，月初啱啱出道嘅佢哋最近仲上咗節目《SNL Korea》，超級爆笑又令人心動。今集節目仲有好多其他內容，大家唔好錯過啦！