同朱晨麗夾晒口供　何廣沛否認戀情

無綫劇集《超時空男臣》口碑不俗，更帶挈飾演大監「李小冬」的何廣沛人氣急升。有傳他與「二小姐」朱晨麗拍攝時經常眉來眼去，更咀出真感情，二人暗撻逾半年。

何廣沛接受東網訪問時，與朱晨麗口徑一致，否認新戀情：「多謝大家關心我嘅感情。近排《男臣》咁好，劇中幾對螢幕情侶都咁受歡迎。我相信大家都好喜歡『小冬』都『二小姐』呢對CP。咁多人睇照計都會傳吓緋聞。」

提到有指他早前與蕭正楠及曹永廉出席宣傳活動時，被二人爆他只買早餐給朱晨麗，何廣沛解釋說：「佢哋講嘢係咁搞笑，同埋佢哋好鍾意蝦我，所以大家唔好信以為真。」