興奮加盟星夢　林頴彤：唔好辜負何哲圖

憑主持無綫《安樂蝸》節目備受觸目的24歲藝人林頴彤（Bella），去年於劇集《城寨英雄》慘爆「鑫鑫」一角人氣上升，之後繼續有參與拍劇、綜藝節目及舞台劇演出，今日Bella突然在網絡平台宣布將加盟星夢娛樂，開拓演藝版圖做埋歌手，與何雁詩、菊梓喬、胡鴻鈞等做同門。

給我機會去追夢

Bella透過微博說：「今日這個日子帶著（着）緊張的心情，想和大家宣布一件很重要的事情，就是非常感恩正式加入星夢大家庭，即將會參與一些新節目拍攝，之後更有機會唱歌給大家聽！衷心感謝老闆Herman（星夢老闆何哲圖）給我機會去追夢，感謝您相信我潛在既（嘅）可能性，給我信心，帶領著（着）我走未來的路。我亦相信自己！珍惜得來不易的機會，用行動來證明給大家看。未來會有一個全新的我，逐漸呈現於大家眼前，多謝過去每一位幫過我的人，還有一班默默支持我的您們！我不會辜負大家的愛錫與期望，新的一頁，感恩！」

25歲人生轉捩點

東網第一時間訪問了Bella，她難掩喜悅之情興奮地說：「好開心、好感恩！喺《城寨英雄》有少少進步後，都想繼續有機會，跟住認識到Herman，佢欣賞我、覺得我有潛質，我好開心遇到佢做老闆，能夠遇到賞識自己嘅人係好難，好可貴機會，知道之後佢畀好多工作安排我，會嘗試唱歌、拍劇，同埋綜藝節目，心情好開心又感動，會好珍惜，我會用謙卑嘅心態令自己做得更加好，唔好辜負Herman，同Herman溝通嘅過程好好，佢好清楚我嘅長處，好有信心佢幫到我搵到適合嘅路。其實我一直尋覓緊夢想，到我今年10月將會25歲係人生轉捩點，終於搵到個方向，加入一個大家庭，令自己當初加入TVB團火再次燃燒，感覺好大！」

視吳若希做一姐

問對歌藝可有信心？她表示最近有演音樂劇，有跟專業老師學唱歌：「知道星夢有好多唱得之人，所以自己會更努力，相信Herman知我適合唱咩歌，我都會更畀心機，相信勤力係有幫助！歌方面仲揀緊，遲啲再公布。（有冇信心上位做一姐？）嘩！唔會咁諗，Jinny（吳若希）係我師姐，即將返嚟，我嘅野心唔係地位上，係要做好每件工作。」

Bella兒時做過童星，到2009年參與比賽節目《十人巷》正式入行，曾參演劇集《潛行狙擊》、《法網狙擊》、《城寨英雄》及《同盟》等，在主持《安樂蝸》節目時令監製向她垂青而得到發揮。