古天樂做武打新星：目標將隻腳放上頭！

影星古天樂（古仔）、林家棟、陳漢娜等到九龍灣出席主演的新片《殺破狼．貪狼》首映禮，講到動作導演洪金寶在台上大讚古仔演出不遺餘力頻頻親身上陣，笑稱他是「2018武打新星」，古仔表示：「嚟緊幾部戲都要打。（打上癮？）要不斷去學、去累積，唔係一朝一夕嘅。（打到驚咗？）都有一定危險，都唔驚，會小心拍，始終我冇打開，最近都拉筋，成個人柔軟咗，目標將隻腳放上頭！」

講到古仔打個不停，同場的家棟笑言：「我接呢套戲嘅條件就係唔好叫我打！或者你早啲通知，畀時間我準備，始終係洪金寶嘅打戲，都唔少嘢！假如要我又打又泰文又染髮，對我都唔少挑戰！」