李司棋久未探李香琴感內疚：見面會心酸

藝人李司棋在尖沙咀出席舞台劇《小城風光》記者招待會。擔任主演的她在台上笑指自己舞台劇演出經驗淺，透過此演出才能由BB班升到小學，又感謝藝術總顧問鍾景輝帶她走入演藝世界。訪問時，她即笑指自己會畀心機上堂，又謂冥冥中有安排，因為11月舞台劇公演時，正好是無綫台慶劇《溏心風暴3》播出之時。

提到演出是獻給為戲劇付出半世紀的鍾景輝，問她有否減酬？她即笑謂：「佢哋冇叫我收平啲，我就咁開個價，佢哋就即刻應承，我估計佢哋係好有錢。」而講到李香琴被公開近照，相中更見她塗指甲油，李司棋即指女士貪靚好正常，而其母雖已96歲但仍然染髮，她表示：「好耐冇見琴姐，見到佢應該會心酸酸。幾年前見佢都仲認得我，係開始講嘢慢，但仲係好陽光。講講吓講到拍戲嘅嘢，佢仲識講『嫲嫲喺大廳』。不過一問起都好內疚，好幾年冇見佢。」李司棋又透露稍後時間見到關菊英、米雪及夏雨等人時，會相約他們一齊探望李香琴。