李佳芯張振朗掀「高潮」　女上男下肉搏

藝人李佳芯（Ali）及張振朗在劇集《踩過界》中感情發展有新進展！飾演法官的Ali去年因判打傷男友的周麗欣（Doris）入獄一年，Doris出獄後即向Ali展開報仇，潛入其屋企喊打喊殺，更放火燒屋！此時張振朗及時出現英雄救美，將Ali公主抱抱起逃出火海，不過Ali美腿仍留下燒傷傷痕，令她相當低落。

之後張振朗為安慰Ali，不介意穿短褲露出其斷腳，表達有缺憾都可快樂生活，劇情靠CG令振朗變成「長短腳」，畫面幾可亂真。

Ali感受到對方對自己的愛意，兩人火速撻着，並在房內埋身肉搏激咀，露出高潮樣！Ali姣味十足，眼神笑容都夠晒媚態，更豪放地除去振朗外套，上演一幕女上男下，激烈程度睇到觀眾眼定定！

萬眾期待的這場親熱戲最後只得十幾秒，相信不少Ali的Fans會覺得唔夠喉，張振朗接受電話訪問時表示該場親熱戲拍了個多小時，他笑說：「想將對Ali嘅遐想透過呢場戲發洩出嚟嘅觀眾可能有啲失望，但唔緊要，我透露少少，我同Ali將會有Cosplay玩嘅，大家留意住！」