200磅細細粒內地真人騷起勢「甩」褲

20170828
東網電視
更多新聞短片
細細粒都有褲鬆嘅一日!
阮兆祥以隊長身份、率領細細粒(陳嘉佳)、蝦頭(楊詩敏)和鄧兆尊,齊齊上內地搞笑節目《喜劇之王》,與內地搞笑隊伍進行PK賽。上一集,祥仔憑驚人「鼻哥窿吹牧童笛」絕技技驚四座,成功為團隊爭取該回合第一名。嚟到今集,祥仔團隊上演「偷情記」搶分,是次焦點表面是落在蝦頭以及兆尊身上。二人七情上面、施展渾身解數演繹「偷情四式」—呻吟、蒙眼SM、海棠春睡以和跳艷舞,鹽花搞笑兼而有之。不過實際上焦點卻落在細細粒身上,飾演保安的她雖然體重逾200磅,但她一出場即不停抽褲頭及整理衣衫,感覺有點不自在,到謝幕期間向觀眾握手時,細細粒更驚叫:「哎吔,甩褲喇!」,幸好最後有驚無險,並冇任何香艷場面發生。
問到細細粒為何在握手期間會如此大叫時,她笑言:「雖然所有服裝之前都有試過身,但唔知點解去到正式演出之前,我發現條褲太大條,可能同我當時瘦咗少少有關啦,哈哈。我當時諗住就咁求奇搵條帶『索』住就算,但去到正式演出時就係咁一路跌、一路跌,所以要不斷咁抽褲頭。」
另外,祥仔是次以超粗豪猛男形象登場,遭節目男主持寸爆謂:「今晚係祥仔第一次喺《喜劇之王》做番男人,有冇唔習慣咁呢?」不過祥仔並未被嚇倒,更大搞食字爛GAG「反擊」謂:「咩叫做番男人呢?我真係男人嚟!係咪太維肖維妙呢?我真係有『子宮』(意思:手指公),仲有兩隻添!」