打風照開工　張文慈驚到祈禱：搵食唔易

藝人張文慈（Pinky）日前冒着8號風球，北上出席公開活動搵真銀，然而此行可謂一步一驚心！她表示﹕「因為活動地點冇風冇雨，所以大會冇安排押後或取消，但我上車去到深圳後就狂風暴雨，當時高速公路全線封閉，我哋惟有走下路。當風球同我哋『擦身而過』時，成架車搖嚟搖去，我一度擔心會唔會成架車被吹起，個心有啲怯，惟有祈禱囉。」幸而最終平安抵步，總算有驚無險及順利完成工作。她笑謂：「其實搵食唔易，所有工作搵嘅都係辛苦錢，不過有工作我就好感恩。早排係咁為《跳躍生命線》趕戲，呢幾日暫時可以休息，咁啱有個好出名嘅牧師嚟咗香港講道，啲時間好似配合晒咁，我當然會現身支持啦。」