孖賀軍翔合照　網友認唔出阿嬌？

現年33歲嘅台灣男星賀軍翔（小美）今年6月突然喺facebook驚爆自己已婚，仲生埋女，粉絲都覺得好震驚！

做咗爸爸嘅小美當然要努力賺奶粉錢，依家就忙緊同女星鍾欣潼（阿嬌）喺台北拍攝網劇，小美喺社交網上載一張同阿嬌嘅合照，留言話：「台北的夜市取景，都流口水啦！誰是吃貨呢？」唔知係咪張相個角度影到阿嬌唔同咗樣，竟然有大批網民留言問：「她就是你老婆？」有網民甚至霸氣問：「講回答我！佢係咪你女朋友？」當然都有網民認得阿嬌，知佢哋拍緊劇啦！