名人:趙式慶望抽時間教子女功夫
8歲開始習武的趙式慶以香港文化節創辦人出席活動,以三維多媒體技術重現功夫電影,劉家良的電影是其中之一。他表示習武30多年,2005年跟隨林世榮後人林鎮輝學武,一星期練六、七日。他表示將功夫電影重現是他的構思:「未試過將真人通過3D技術,係一個創舉,香港電影脫離唔到功夫片,功夫電影全球好有影響力,李小龍之後,將一個傳統文化全球化,劉家良師傅貢獻最大,我哋每年都會搵經典電影回顧嘅嘢去做,內容唔單只功夫。」
問到會否拍功夫電影?他透露早前拍過12分鐘的紀錄片,希望可以將來拍45分鐘。至於商業電影?他直言:「要搵合適題材同團隊,係可遇不可求。(有冇人搵你?)呢幾年都有同唔同電影公司傾過,但未落實。(唔介意幕前演出?)我角色會係幕後。」他透露9歲囡囡亦曾習武,而4歲幾囝囝亦都差不多開始學功夫:「我因為工作成日飛,唔可以教佢哋,有多啲時間想自己教,考慮一星期一日我搵個時間教子女。(想囝囝將來都向功夫發展?)睇緣分,唔可以強求。佢係男仔學功夫可以搵到自己文化,畀到個精神。」