東網電視
更多新聞短片

劇集網上版本係無刪剪版,會原汁原味保留粗口,王宗堯就唔驚破壞男神形象!
1/4
藝人王宗堯及陳炳銓到電台宣傳ViuTV劇集《賤民20》,此劇由陳炳銓策劃,他表示劇集風格跟其他不一樣,現時播了兩集,問到暫時外界反應如何?王宗堯表示有睇網民意見,笑言:「佢哋話『棄』劇度係95%,好高。(唔開心?)唔會,預咗啲人覺得奇怪、唔明同兩極,但我覺得幾有趣。」陳炳銓亦謂劇情一忽忽,不似其他劇集般一睇就明,問到驚唔驚會趕走師奶觀眾?王宗堯笑言:「可以試吓唔同嘅嘢,茶餘飯後可以唔使淨係講『外母』!(指無綫劇集《燦爛的外母》),都可以講吓『賤民』。」
而問到他們在劇集內會做甚麼賤事?王宗堯表示是偷呃拐騙,而陳炳銓則謂自己是卑賤,其中亦有一幕戲要跳落城門河最臭的部分,大呻:「要洗鼻窿及耳窿。(點解咁玩自己?)唔係我寫呀嘛。」他們亦謂網上版本是無刪剪版,會原汁原味保留粗口及一些刪剪的場面。王宗堯大讚這個版本爽好多,問到可擔心此劇會破壞其男神形象?他笑言:「咁咪正,演員嚟㗎嘛。」

仲話咁咪正!

策劃此劇嘅陳炳銓,就話劇情一忽忽,唔似其他劇咁一睇就明!

王宗堯(右)話網民意見係話「棄」劇度係95%,但自己唔會唔開心!