王梓軒演律師　親到法庭聽審取經

無綫新劇《是咁的 法官閣下》即將開拍，對於2年無拍劇的王梓軒，表示很興奮和緊張，因為這次的角色是監製陳耀全特別為他度身訂造，而角色同自己都有好多相似的地方。在劇中他將會飾演一個年青有為的大律師，他由細到大一直很喜歡音樂，可惜家人想他從事專業人士，呢個夢想與現實之間的矛盾，正正是他的心聲。今次同劇拍攝仲有好友王君馨、梁烈唯等，雖然大家之前有合作過主持節目，但拍劇就真係第一次，所以十分期待這次拍攝擦出嘅新火花。梓軒現正在象山拍攝新電影，未能回港參與新劇記者會，不過他一回來就會立刻投入刻劇的拍攝。

他說為了效果更逼真自然，之前去了法庭實地勘察過，又坐低聽審，聽咗好多唔同嘅case，仔細觀察律師的言談舉止，希望短時間内可以領悟到多點法庭上嘅技巧。梓軒很開心有機會參與這套劇，因為除了創作音樂外，他也很喜歡演戲，演專業人士是第一次，特別期待今次以一個不同的角色示人。

此外，一向有主持《兄弟幫》的梓軒，最近在衛視音樂台Channel V主持一個新訪談節目 《V My Guest》，當中請到好朋友王祖藍、莫文蔚、曾志偉等做嘉賓，節目中除咗大談音樂和生活外，每個嘉賓都會自爆一些秘密趣事。