莊思明自爆愛犬追住楊明吠

藝人莊思明（Lisa）與柴犬Haru於將軍澳電視城出席明珠台節目《狗狗密語》記者會，她指Haru不算難養：「佢算乖，我聽人講柴犬比較活躍，成日打交。佢冇同其他狗打交，但佢試過畀人打。」

自爆愛犬追住楊明吠

問到Haru較黐她還是男友楊明，Lisa說：「黐我多啲，因為我多啲時間對佢。楊明對動物毛有少少敏感，好少攬到佢好實。但佢對Haru都好好，好錫佢又成日買衫同飾物畀佢。（狗仔有冇呷醋？）試過我坐喺楊明隔籬，佢追住楊明吠。」她又坦言對虐畜的新聞感到心噏，認為不想再養寵物，亦不應虐待牠們。

信動物傳心術

Lisa又直言相信動物傳心術：「我之前隻芝娃娃離開之前，佢成日抽筋。我有搵動物傳心術師傅。隻狗話之前做過針灸，做完舒服啲。（咁有冇帶佢做針灸？）有，但醫生話佢天生有水瘤，愈大抽筋抽得愈密，發現時已經太遲，醫生話要食藥控制。隔咗兩個星期，佢同動物傳心術師話好攰，叫我畀佢走（安樂死）。」