鍾情港男 陳瀅搵Moon睇球賽順便?仔

20170904
東網電視
更多新聞短片
陳瀅(左)指佢唔係好接受外國人呀!
藝人陳瀅出席其代言活動,透露對台灣食品情有獨鍾,特別是珍珠奶茶,喺加拿大讀書時曾做賣珍珠奶茶的兼職,她說:「當時雖然人工好低,但因為好鍾意珍珠奶茶,所以都要做,之後仲喺學校小食部賣,賺咗勁多錢。(咁會唔會都鍾意台灣型男?)鍾意台灣小食多啲。(有冇試過畀台灣人追求?)應該冇,有個講國語,但應該係中國人。(以前好多唔同國籍人追?)唔係,我都係偏向香港人,唔係好接受到外國人。(因為佢哋比較開放?)原因之一,同埋我比較傳統,我好孝順阿嫲,西方人溝通、思想唔同。(依家有冇人追?)冇,依家都係成日同Moon(劉佩玥)一齊。」
證Moon冇收兵
之後,陳瀅又被問到Moon再被影到同周志文撐枱腳?她即說:「係咪阿文?定係阿康?我哋呢期成班人拍緊劇,周志康、羅天宇、翟威廉,所以成日一齊。(佢又收兵?)唔係,我哋成日一齊食飯,一齊拍劇要溝通多啲,佢哋有隊籃球隊,我同Moon都會去睇。(順便睇吓有冇打波男?)打波男幾好,夠高,我鍾意啲高過我嘅,有安全感啲。」