姚子羚玩開胸露Bra：特登買個靚去襯！

藝人姚子羚以開胸連身褲露bra上陣，撐好友胡杏兒的時裝品牌的時裝騷場。受訪時，講到今次衣着很性感，她笑言：「如果我夠膽嘅話就連入面嗰件都唔着，不過最緊要靚，我都特登買咗個可以見得光嘅bra去襯。上年杏兒個騷我嚟唔到，今次一早同公司請假。（諗定買咩禮物畀杏兒bb？）未諗，我想做啲特別啲，想整本相冊送畀杏兒。」另外，問到她何時好事近時，她即時拋波給劇集《同盟》的拍擋陳山聰：「唔係佢結婚咩，如果佢送15萬以上嘅婚戒畀佢女友，咁我就考慮吓。」

此外，對於有網友將她在《同盟》中單腳踢腳的片惡搞成雙腳擘腿，子羚稱也有看過：「我將條片放咗上同盟個group chat，監製話應該係將我左邊嘅腿放咗去右邊，好多謝網友咁精心p圖，唔知佢用咗幾多時間，好多人都send咗段片畀我睇。（段片仲p咗你對豆豉眼？）我自己都幾開心，因為豆豉眼成為咗我個標記咁，我都有上網留言多謝，我都幾開心，多謝佢哋咁有心機惡搞我。」