又再被指整容　羅志祥女友嬲爆

台灣歌手羅志祥（小豬）同女友周揚青一直愛得甜蜜，二人不時喺網上大放閃光彈。不過近日就有指周揚青疑似整容，佢喺社交網上載多張自拍照，並留言：「用黑髮迎接我的29歲。」唔少網友都指染咗黑髮嘅周揚青好好睇，但係就有網友留言指周揚青可以大方承認整容。

相信呢件事都令到周揚青好嬲嬲豬，佢隨即再次發文對再次被指整容之事大表不滿，留言話：「不不都說了好幾次了麼，怎麼還回應整容這麼大點事兒，也至於寫個新聞非要弄到最後讓全國人民都知道，怪不得連我媽的朋友都問我哪兒整的，就不能讓我好好的，陪愉快的爸媽度個假嘛！」唔少網友都力撐佢，叫佢唔使理會呢啲嘅說話，仲叫佢好好Enjoy同屋企人度假。