姚子羚兇狠搶櫈仔　胡定欣呻難分忠奸

藝人胡定欣、姚子羚、陳山聰和張秀文等到油塘宣傳主演的新劇《同盟》，子羚騷香肩長腿，而穿上吊帶背心的秀文就晒腰，二人玩遊戲時為免走光顯得相當小心，但子羚竟在爭櫈仔環節中表現兇狠，搶走秀文的櫈仔令她跌到坐在地上。

講到劇集結局周劇情風起雲湧，而子羚昨晚一場爆喊戲令人印象深刻，問可會是一個傷心的結局？定欣笑言：「有啲Sad又有啲希望咁啦！啲Sad戲同喊戲交晒畀子羚！」子羚笑言今次有不少崩潰及爆喊的戲：「監製畀我睇番預告都眼濕濕，要多謝演大哥嘅楊證樺，佢畀好多眼神我對戲，幫咗我好多。」

定欣就玩劇透，她說：「劇情好反覆，有人忠變奸，仲要估吓邊個係Big Boss。今日都有未出場嘅江美儀同羅樂林到咗，大家可以再估吓！（有冇識過啲人難分忠奸？）總有嘅。（男仔？）又冇，子羚都成日對我笑，都唔知佢諗緊乜嘅！」而子羚則劇透與郭峰會有生離死別的戲。

------------------------

東網已全面支援360影片及相片，讓你全方位睇盡新聞大事，恍如置身現場，立即登入東網360網頁： http://on.cc/360/

如仍未更新東網App，請按此連結收睇360影片： https://goo.gl/tSXDtY