揭狂野一面　鄧麗欣惡鬥「小三」周秀娜

由鄧麗欣（Stephy）與周秀娜等主演的新片將於11月上映，電影已先後入圍了日本大阪亞洲電影節、台灣高雄影展等多個影展。這部電影被視為Stephy首部形象大突破的電影！

電影中，三位女演員鄧麗欣、周秀娜（Chrissie）、樂基兒（Gaile）遭受情傷，為報復神秘男主角不顧一切，大開殺戒。片中不僅有連場槍戰及大量暴力的打鬥情節，更有三女與男主角的纏綿場口！而周秀娜其中一句大罵鄧麗欣的對白「一坐低我就打死你個臭X」令人印象深刻，過癮抵死！

對於新片獲選為台灣高雄電影節參展電影，Stephy表示：「今次我同Chrissie、Gaile好似漫畫入面嘅女英雄、女特務咁，拎住長槍、短槍同狙撃槍殺來殺去，仲有唔少動作場面。為咗向出軌嘅老公同『小三』報復，槍戰、殺人、連環爆粗樣樣齊，絕對係我一直夢寐以求想挑戰嘅角色，夠晒歇斯底里！」而導演火火亦大讚Stephy演出：「Stephy少有機會演呢類角色，但我很清楚她能駕馭得到，因為佢骨子裏除了大家認識的純情同溫柔以外，也有一份狂野同獸性喺入面！」

導演火火、Stephy和Chrissie將於10月20日齊齊出發台灣高雄影展行紅地氈，兼出席當地首映，雖然Stephy和Chrissie已去過台灣多次，但Stephy從未到到訪高雄，而Chrissie因為拍電影同高雄曾經有一日之緣，對藝術文化有着濃厚興趣的Chrissie稱：「希望可以到高雄最著名嘅駁二藝術特區同光之穹頂一遊！」，鄧麗欣說說：「我最想去位居仁武嘅古嚴寺！」

愈演愈有默契

至於電影中Stephy將惡鬥「小三」周秀娜，Chrissie説：「今次呢個角色好好玩，本身同Stephy、Gaile唔係太熟，因為我哋三個喺電影入面係對立，但係愈演愈有默契，亦敵亦友，好開心今次有機會一齊去台灣參展，希望大家會支持我哋！」