破天荒拍古代床戲　定欣馬浚偉肉帛相見

藝人胡定欣接受馬浚偉電台節目訪問，將於9月9日生日的定欣更獲對方準備驚喜，送上蛋糕及錫她面珠與她預祝生日。受訪時，他們表示事前沒有商討過會在節目中談甚麼，但馬浚偉指自己亦有做資料搜集：「睇到佢嘅一堆名單……我指劇集名單，我哋得一套劇集合作過，就係2012年《當旺爸爸》，但我哋冇對手戲，嗰時唔熟，冇傾過偈，有淨係記得次撞正佢生日，我就送咗隻熊啤啤畀佢。」定欣坦言當時有被嚇一跳。兩人謂直至去年拍攝《深宮計》時才熟絡，但馬浚偉透露當時仍不知道定欣過去的情史：「我直至今次做Research一Click先知！」定欣即笑說：「我都冇乜唔畀得人知。」

同定欣做夫妻

馬浚偉表示與定欣真正合作後，覺得對方是新一代演員的標準，又承諾將來有機會會再找她合作。而定欣提到拍《深宮計》時，與馬浚偉沒有深談過應如何塑造出夫妻的感覺：「我哋係做好自己嘅嘢先，先再去磨合，我睇個畫面嘅時候會覺得我哋真係一對夫妻咁。」馬浚偉即笑說：「我開頭淨係擔心會唔會變咗阿哥同細妹，好在我都Keep得到！」定欣亦笑謂：「我係好好襯㗎！」

唔畀劇照流出

兩人透露劇中會有甜蜜到漏的場面，亦會有破天荒的古代床戲，定欣說：「我哋有場床上嘅親熱戲，真係肉帛相見嘅，佢冇着嘅衫，但梳緊古裝頭，佢嗰日影咗張劇照再畀番我睇，我叫佢呢張相千祈唔好流出去，我有啲接受唔到。」馬浚偉則解釋說：「嗰張相坦白講係靚嘅，我又用背脊遮住晒佢，但嗰張相個意境好似真係有啲事情發生緊，好似個過程咁，但係靚嘅。」他又笑謂已將照片刪除，但電腦有備份。