2017香港小港亞軍何依婷在佐敦出席六福珠寶領獎活動。講到曾志偉心痛港姐決賽變質，變成向big big channel致敬騷，形容決賽慘不忍睹，她說：「因為公司今年要宣傳big big channel呢個app，所以都好正常。（港姐變咗唔係主角？）唔會，我哋跳舞都喺前排，我哋先係主角。（志偉話賽制有問題？）志偉做咗咁多年港姐，當然有佢嘅睇法，我就覺得冇乜大問題，嘟嘟姐（鄭裕玲）係校長有兩票好正常，如果網民覺得賽制唔公平，可以睇吓下年點樣去改善，依家點樣去講、去討論都冇用，已成定局，唔可以改變。」