「視帝」黎耀祥與舊拍檔鄧萃雯（雯女）為無綫節目《最佳拍檔》擔任首集嘉賓，大談入行多年的拍攝點滴，黎耀祥透露與影帝劉青雲入行初期已認識，還成為了好友，他謂：「當年我只係跑龍套，但青雲已經係男主角，不過佢仍然好留意我所做嘅每一個角色。記得有一次，我拍《壹號皇庭》畀蘇永康推跌嗰場戲，青雲睇完後都讚演得好，因為我好大力跌落地，成功突顯蘇永康嘅奸險。」

黎耀祥談到當年合作《巾幗梟雄》時，覺得雯女要求很高，對製作一絲不苟，惟每次聽到對方有要求，均會以「唔覺嘅」來回應，沒料第二次合作《巾幗梟雄之義海豪情》，對方仍然好有要求。黎耀祥謂：「佢知道我又會講『唔覺嘅』就會即刻就範，慢慢就培養到好好嘅默契。」對於該劇監製李添勝造就了他們成為「最佳拍檔」，黎耀祥揚言要感謝監製之餘，亦非常感激雯女：「呢兩部劇佔我人生好重要位置，甚至係我人生轉捩點，係雯女同監製一句說話成就了我，所以真係好多謝。」