樂瞳出寫真嫌自己又肥又唔靚

藝人樂瞳（Cilla）於深水埗出席寫真發布簽名會，她謂今日才首次看到寫真實體，更大呼緊張：「昨晚都瞓唔着，好似有產前抑鬱咁。覺得自己唔夠靚又肥。但知道昨晚已經有Fans買咗，依家都放鬆咗少少。」她透露今次共印一萬本，笑言希望無限印，又笑謂今早到髮型屋整頭時見到黃翠如、梁嘉琪和陳庭欣，三人都叫她加油。

仲有相未公開

Cilla坦言希望籍今次寫真打入內地市場：「呢個機會好難得，一生一次，下次影嘅時候可能係影大肚寫真。今次唔係大家想像中咁性感，係好健康好陽光。大肚寫真可能會仲激。」問到有沒有收埋部分相片，她稱珍藏的照片已在寫真集中見到，會否出第二本就要看銷量：「今次好難揀相，希望可以再將一啲未公開嘅相公諸於世。（有冇穿崩相？）安全嘅！保證係靚嘅！」至於是否向性感女神方面發展，Cilla說：「唔係，呢個寫真集對我嚟講係留念。係送畀我嘅禮物，仲趁我有一點點青春嘅時候留個紀念，我覺得係正面。」

唔接受全裸

早前離開無綫的Cilla表示現在工作量增加不少，日前剛為葉念琛的賀歲片客串，稍後亦有不少廣告拍攝。問到會不會在電影性感演出，她謂要先看劇本：「如果我係Fit，有少少性感係OK。（全裸？）我暫時唔接受。」她又表示今次拍攝寫要跟母親交待：「我同佢講我3字頭，都想有個留念。」