歌手林峯於《IFPI香港唱片銷量大獎2016》奪得3個獎項，包括「最暢銷本地現場製作音像出品」、「十大暢銷本地歌手」、「全年最高銷量本地男歌手」獎項。久未露面的林峯見他又瘦了不少，他稱是為今個月23號在廣州的開演唱會Keep fit：「依家減到140幾磅，其實對上香港開演唱會減到139磅，所以今次已經冇咁多。」問到喜歡鋼條身形？林峯笑言：「完咗個唱就唔Keep啦，本身好鍾意食嘢。（千語BB心痛你咁瘦？）唔係喎，佢贊成我keep住瘦，事關着衫會好睇啲。」

工作忙到出年

林峯表示原定10月和11月在內地還有多場巡唱，但都攞不到批文，所以如要在內地開騷都要等到明年，而目前他已接了兩部劇及兩齣電影。講到林峯工作忙到出年，與女友吳千語聚少離多，千語BB曾言一年只見林峯五分一時間，林峯話：「咁佢有時都過嚟住嘅。（半同居？）正常男女朋友交往啦。（過夜？）咁都好正常啫。」不如索性結婚？林峯說未諗住，大家各有各忙啦，所以暫時未諗住。